Chen Zuyi es un pirata chinés dau premier decenni dau sègle XV. Originari de Guangdong, una província maritima dau sud de China, foguèt mencionat per lo premier còp en 1400. En 1405, aprofichèt l'abséncia dau governador de l'importanta pòrt de Palembang, au nòrd-èst de Sumatra, per prendre lo contraròtle de la vila e se'n proclamar rèi. Reüniguèt una flòta d'un quinzenau de naviris e de plusors miliers d'òmes que foguèt la premiera fòrça pirata de la region. Pasmens, en causa d'aquela poissança, foguèt atacat per la flòta imperiala de l'amirau Zheng He. Totalament batut[1], Chen Zuyi foguèt capturat e executat dins la vila de Nanquin.